Napilitan nga magkansela it pagpanupod it educational assistance para sa mga student in crisis ro pilang payout centers it Department of Social Welfare and Development (DSWD) sa nasyon.
Raya hay matapos it pagbuhos sa gihapon it maabo nga mga walk-in applicants nga gusto man nga makabaton it educational assistance.
Raya hay sa pihak it mas ginpahugot nga panawagan it taeatapan nga nakataeana eamang sa mga indibidwal nga registered online ag may sms confirmation ro pagataw-an it nasambit nga ayuda.
Rason nga ro pilang mga payout centers it taeatapan hay gintigayon eon lang nga pagakanselahon anay ro operasyon ag sa pihak hay gin-istorya eon lang anay ro mga walk-in applicants nga magregister anay online.
Sa pihak nga parte, kabilugan nga naging matawhay, maayos, ag madinaeag-on man ro naging operasyon it DSWD sa pagpanupod it educational assistance sa bilog nga nasyon.
