Ginaduso ni Senator Risa Hontiveros ro pagpatigayon it imbestigasyon it Senado sa mga nagagauwa nga sexual harassment sigon it mga manugturo sa mga estudyante sa pilang eskwelahan sa nasyon.
Raya hay kasunod it mga insidente nga suno sa senadora ro harassment ag pang-abuso hay eakot sigon ro pilang mga manugturo.
Kasunod kara, gindihon ni Hontiveros ro Senate Resolution 168 nga naga-engganyo sa Senate committee on women, children, family relations and gender equality para magpatigaoyn it imbestigasyon para maka-angkot it euwas nga espasyo para sa mga estudyante para sa andang pagtuon ag mapanabat ro mga perpetrators kasunod sa probisyon nga nakabaehag sa Safe Spaces Act.
Sa nasambit nga resolution, ginpahayag ni Hontiveros nga dapat nga maresolba ro kaso nit sexual harassment sa educational institutions sa transparent nga pamaagi, pro-active ag timely manner para masiguro ro madasig nga pagtao it hustisya.
Sa pihak nga parte, ro Department of Education (DepEd) sa ginpahayag ni spokesperson Atty. Michael Poa nga zero tolerance ro ahensiya sa ano man nga klase it pang-abuso sa mga baeay tueon-an
