Sa kauna-unahan nga kahigayunan nakit-an nga nakasuksok it military uniform si Prince Andrew raya hay kasunod it ginpatigayon nga vigil it mga onga ni Queen Elizabeth II.
Nasayuran nga makataliwan ro pilang prosisyon nga ginpatigayon kay Queen Ellizabeth hay owa raya naga suksok it military uniform.
Suno kay Bombo International Correspondent Ramil Isogon it United Kingdom nga raya ro kauna-unahan nga kahigayunan nga nagsuksok ro prinsipe it military uniform matapos nga ginbue-an raya it anang royal ag military title bangud sa ginkaeakotan nga nagakaeain-eain nga eskandalo.
Samtang, padayon man ro pagbuhos it mga tawo para makit-an ro reyna sa ulihing kahigayunan.
Sambilog sa nasapwan nga nagapanikasog sa pagpila para magpaabot it respeto para kay Queen Elizabeth II hay si British football star David Beckham.
Kaeakip ro 47-anyos nga Manchester United player nga pumila para makit-an ro Monarch Queen.// Umabot man sa masobra 12-oras raya nga nakapila nga ro haba hay umabot ng pilang milya.
Sa pihak nga parte, pagahatdon man ro reyna sa anang ulihing paeahuwayan sa adlaw it Lunes. September 19, 2022.
Kung siin magapatigayon it daywang minuto nga katawhayan sa bilog nga United Kingdom antes paga-umpisahan ro pilang seremonyas.
