Eubusan eon nga nagsueod seon sa may Southwest it Japan ro bagyong Nanmadol.
Suno kay Bombo International Correspondent Josel Palma it Japan nga umabot eon sa kapin 9.7 million ro kabilugang indibidwal nga nagbakwit maghalin sa andang mga panimaeay.
Kara ginaeauman man sa gihapon ro mabaskog nga buhos it uean nga mabahoe ro tyansa nga magatuga it pagbaha.
Pilang serye eon man it landslide ro nag-eontad ag 2 eon ro pataynga nalista bangud sa nasambit nga bagyo.
Bangud sa mabaskog nga daeang huyop it hangin umabot eon man sa 340,000 residensya ro owa eon it kuryente bangud ginsamad it bagyo ro mga electric wires.
Sa pihak nga parte,preparado man ro gobyerno it Japan engkaso nga maspa nga magbaskod ro bagyong Nanmadol bangud ginakabig it Japan Meteorological Agency (JMA) ro bagyong Nanmadol bilang mabahoe ag mabaskog nga klase it bagyo.
