Kasunod sa mandato ni Department of Social Welfare and Development ukon DSWD Sec. Erwin Tulfo nga limpyuhan ro listahan it mga benepisyaryo it Pantawid Pamilyang Pilipino Program ukon 4P’s, kapin sa 16,562 beneficiaries ro ginrekomenda it DSWD region VI bilang non-poor ukon makabig nga pwede eon makakas sa nasambit nga programa.
Suno kay Belen Gebusion, chief of 4P’s division nga raya hay halin sa kabilugang 87,728 household nga temporaryong gin-hold ro pag-release it cash grants halin sa buean it Hunyo hasta it Hulyo ukon period 3 bangud sa validation it mga non-poor households basi sa resulta it Listahanan 3.
Apang, ginklaro ni Gebusion nga bukon pa raya it pinal nga desisyon bangud nga ro may awtoridad kara sa pagdesisyon hay ro central office.
Mag-eowas kar, ginklaro dugang it ahensiya nga ro paghold it cash grants hay uwa nagakahueugan it awtomatikong pagkakas sa programa.
Samtang uwa pa suno kana nakaguwa ro pinal nga listahan hay padayunon eamang ro pagsunod sa guidelines ag protocol sa idaeom it nasambit nga programa.
