Sa baylo nga masubuan sa kasubo ag kaeain it buot, nagkinasadya ag ginpadayun it sangka bride ro anang party matapos nga owa ginsipot it anang groom ro andang kasae sa Switzerland.
Ginasugid nga ginpadayun it bride nga si Kayley Stead ro pilang parte it seremonya it kasae, pati eon ro party.
Apang ro slicing of the cake, naging “punching” of the cake eon lang.
Para kunta sa anang first dance with the groom, ro tatay ag igmanghud eon lang ni Stead ro anang kaibahan sa saot rason nga may entrance pa nga kaibahan ro anang ama.
Suno kay Stead, ap-at nga dag-on eon sanda nga magkarelasyon it groom.
Ulihing nakita ni Stead ro groom bandang alas-4 it hapon antes ro adlaw it andang kasae.
Nakita ni Stead nga nagataeangis ro anang entourage rason nga ginpili nana nga padayunon ro party, agud nga masulit ro andang gastos kamana man nga kaibahan pa nana ro anang pamilya ag mga amigo
Bangud sa gin-obra it bride, maabu ro nagdayaw kana nga mga igbata ag amigo.
Nagbulig ro mga igbata ag amigo ni Stead agud nga makatipon it kwarta nga pangbawi sa mga gingastos nana sa kasae.
