Pasado eon sa committee level it manabang kapueungan it Kongreso ro sangka hagna nga nagatao it P60,000 per academic year allowance para sa kada pamilyang Pilipino para makatapos ro maskin sambilog sa college.
Raya ro House Bill (HB) No. 4523 ukon ro “One Family, One Graduate” bill ni Quezon City 5th District Rep. Patrick Michael “PM” Vargas para maaw-an it financial assistance ro mga poorest of the poor sa nasyon.
Tuyo it hagna nga mataw-an ro kada pamilyang Pilipino it education support nga nagabalor it P60,000 sa kada academic school year ukon P30,000 sa bawat semester para sa eligible scholars.
Pwedeng magamit ro nasambit nga allowance sa pagbayad sa tuition ag iba pang school fees, academic ag extra-curricular expenses, textbook allowance, board and loading, transportation, clothing, medical needs, ag iba pang valid related education expenses and support services para makumpleto ro student-grantee degree program.
Sa nasambit nga programa man, pagahimuon ro sangka expanded Student Grants-in-Program for Poverty (ESGP-PA) nga eksklusibong igatao para sa mga kubos apang deserving nga mga estudyante nga kaibahan sa indigent households kung siin prayoridad ro mga benepisyaryo it Pantawid Pamilyang Pilipino Program (4Ps) it gobyerno.
Suno sa mamalidha nga pagasiguraduhon it nasambit nga house bill nga owa it maskin sambilog ro maaywanan sa pagtahak it nasyon paagto sa economic recovery.
