Plano it administrasyong Marcos nga paeawigon pa it hasta sa masunod nga dag-on ro manaba nga taripa sa mga nagapangunang produkto sa nasyon kapareho it baboy, mais, bugas agg uling.
Raya ro ginpahayag ni Finance Secretary Benjamin Diokno kadungan it pamaagi nga ginahimo it gobyerno agud nga mapunggan ro pagdasig it inflation ukon dasig it pagtaas it presyo it pagkaon ag mga nagapangunang baeak-an.
Suno kay Diokno, ko nagtaliwan nga cabinet meeting hay sangka comprehensive set of measures kaeakip ro extension it Executive Order 171 ro ginpresenta it Department of Finance, nga may kaibahan pang input it bilog nga gabinete.
Bangud kara, naga-eaum sanda nga pagasuportahan raya it pangueo nga igabutang sa mga EO, circular ag administrative order sa mas madali na panyempo.
