Euwas ag owa it maskin sin-o man nga nahalitan sa pagtama it magnitude 7.9 nga linog sa Tonga.
Suno kanday Bombo International Correspondents Mr. and Mrs. Diony ag Merylen Tundag nga nagpanic ro mga pumueoyo matapos ro na-eksperyensyahan nga pag-uyog kung siin nagpanggutok ro karsada sa mga saeakyan nga nagapaadto sa mas mataas nga lugar.
Raya hay bangud sa pagkabaeaka it mga pumueoyo nga base makaangkon it tsunami.
May daeom nga 10 kilometers ro linog ag raya hay tumama sa kaeayuon nga 200 kilometers it nasidlangan it Neifu, Tonga.
Sa mayad nga swerte suno sa mag-asawang Tundag nga owa it nailistang mabahoe nga kahalitan ukon naninahan matapos ro insidente.
Madumduman nga ko mga nagtaliwan nga buean hay sumabog ro underwater volcano nga nagpagguwa it madamoe nga asu ag gas nga nagtuga it tsunami sa pacific ocean.
