Comelec-Kalibo, nakabaton it 1,137 nga aplikasyon para sa voter registration

KALIBO, Aklan—Nag-abot sa 1,137 ro  aplikasyon  para sa voter registration nga nabaton it Commission on Elections ukon  Comelec-Kalibo.

Raya ro ginpahayag  ni  Atty. Christian Itulid, municipal comelec officer it banwa it Kalibo.

Ro registration period hay nag-umpisa ko Disyembre  12  ag  magatapos  makaron nga  adlaw,  Enero 31.

Raya hay bilang  preparasyon  para sa December 2023 nga  Barangay and Sangguniang Kabataan elections.

Angot  kara,  ginpadumdum   ni  Atty.  Itulid  ro  publiko  nga  hasta eon lang it  alas-4:30  makaron nga  hapon ro andang pagbaton it aplikasyon.

Ginpahayag  nga nataeupangdan ro pagdagsa kaina it agahon it  mga  magaparehistro  sa ulihing inoras it registration.