KALIBO, Aklan—Apektado eon man it African Swine Fever ro Barangay Poblacion, Kalibo.
Raya hay matapos nga haeos pitong baboy ro gin report nga namatay sa sangka lugar.
Suno kay Punong Barangay Neil Candelario it Poblacion, Kalibo nga naboe-an eon man it blood samples ro mga raya para sa laboratory tests.
Angot kara, insigidang naghimo it mitigating measures ro barangay kaibahan ro Office of the Municipal Agriculturists ag Office of the Municipal Veterinarian.
Kaeakip sa ginhimo sa lugar hay pag-disinfect.
Dugang pa ni kapitan Candelario nga sigidas man ro andang ginapatigayon nga border control checkpoints agud nga bantayan ro pagsueod ag pagguwa it mga baboy.
Nagbilog eon man sigon it task force ro LGU Kalibo agud nga malikawan ro pagkalhit it ASF sa mga babuyan sa lugar.
