KALIBO, Aklan–Ginkumpirma it Municipal Local Government Operation Officer nga si Mark Delos Reyes nga syento porsyento eon nga certified drug cleared ro 17 ka barangay it banwa it Malay.
Raya hay base man sa ginpaguwa nga resulta it regional oversight committee nga ginapangunahan it Philippine Drug Enforcement Agency ukon PDEA, Department of the Interior and Local Government ukon DILG ag ro member kara nga Philippine National Police kamana man Department of Health.
Suno kana, gin-umpisahan ro kampanya ag gin-apply nanda raya ko 2019 sa kasagsagan it panawagan ni dating Pangueong Rodrigo Duterte nga limpyuhan ro komunidad kontra sa illegal nga droga.
Ginpahayag dugang nga halin sa tatlo kato nga tyempo hay amat-amat nga nadugangan hasta nga ko 2021 hay bilog eon nga 17 ka mga barangay ro nalimpyuhan kontra sa illegal nga droga nga ro ginbasehan hay ro mga nagkaeain-eain nga parameters para sa nasambit nga programa.
