KALIBO, Aklan—Ginkumpirma it Provincial Disaster Risk Reduction and Management Office ukon PDRRO Aklan nga nakasueod ro probinsiya sa top 10 sa bilog nga nasyong Pilipinas sa kaabuon it mga kaso it pagkaeumos makaron nga 2023.
Raya ro ginpahayag ni Manuel Jayfree Jizmundo it PDRRMO Aklan.
Raya hay kasunod it mga serye it mga aksidente it pagka-eunod sa probinsiya kun sa siin ro pinaka ulihi hay ro insidente nga natabu sa Brgy. Bakhaw Norte, Kalibo kamana man sa banwa it Malinao kun sa siin parehong binawian it hueam nga kinabuhi ro mga biktimang binatilyo.
Bangud kara, ginpahayag ni Jizmundo nga may mga tikang eon sanda nga ginahimo kadungan ro panawagan sa mga pumueuyu nga kon nagapaligos sa mga baybayon hay mag doble dahan eabi eon kon bukon it kabisado ro lugar.
