Nakibot ag nagapangasubo makaron ro mga fans it Taiwanese actress nga si Barbie Hsu, nga nagtau it kabuhi sa karakter ni Shan Cai sa sikat nga drama nga Meteor Garden, sa edad nga 48.
Si Barbie hay namatay bangud sa pneumonia nga tuga it trangkaso sa tiempo it selebrasyon it Lunar New Year.
Ginpakigbahin it anang igmanghud si Dee Hsu ro masubo nga balita pinaagi sa anang agent, ag nagpahayag it grabeng kasubo sa anang pagkaduea.
Ginpahayag ni Dee Hsu nga magkaibahan sanda tanan sa Japan ag naangkon it anang igmanghud nga si Barbie ro pneumonia nga nagtuga it influenza.
Nagpasaeamat man imaw sa oras nga sanda hay magkaibahan ag panigurado suno kana nga ma-miss nana ro anang igmanghud.
Gin-aywan ni Barbie Hsu ro anang asawang South Korean, si DJ Koo Jun-yup, ag ro andang daywang unga sa unang asawa ngta Chinese businessman nga si Wang Xiaofei, sangka 10-dag-on nga babaye ag 8-dag-on nga eaeaki.
Ro papel ni Barbie bilang mahugid ag palaban nga si Shan Cai hay nagtau kana it kadaeag-an bilang sangka icon, ag ro anang gulping pagkamatay hay nag-aywan it kasubo sa anang mga tagahanga nga nagapalangga kana.
