Ginpamilit ni forensic financial analyst ag prosecution witness Atty. Alexander Cabrera nga owa imaw nagakabaeaka sa posibleng pag-eabag confidentiality laws kat mabaton nana ro financial records ni Vice President Sara Duterte agud nga raya hay usisaon.
Sa cross-examination, adlaw it Lunes, Oktubre 12, gin-kwestiyon it defense counsel nga si Atty. Kristine Ferrer ro pagbaton ni Cabrera sa mga dokumentong halin sa Anti-Money Laundering Council (AMLC), mga banko ag Bureau of Internal Revenue (BIR), bangud sa mga probisyon it Anti-Money Laundering Act, Bank Secrecy Law ag National Internal Revenue Code.
Ginpaathag ni Cabrera, nakasentro eamang imaw sa pagbaton ag pag-usisa it mga dokumentong gintau it prosekusyon. Dugang pa nana nga naging basehan man it anang pagbaton ro pagtalakay sa mga dokumento sa mga pagpamati it House of Representatives.
Samtang, ginpamilit ni Ferrer nga may mga probisyon sa laye nga nagabawae sa pagbulgar it confidential nga impormasyon it mga depositor ag taxpayer.
Padayun nga gina-usisa sa impeachment trial ro mga financial record nga ginamit ni Cabrera sa anang pag-examine.
