-- ADVERTISEMENT --
Nagpaandam si Pangueong Ferdinand Marcos Jr. sa padayon nga paglala it tensyon sa West Philippine Sea matapos harangon sigon it mga tawuhan it China ro medical evacuation it sangka maysakit nga suldadong Pilipino halin sa BRP Sierra Madre sa Ayungin Shoal.
Ginpamilit it Pangueo nga nakakabaeaka ro insidente bangud humanitarian mission para sa pagpabueong it suldado ro tuyo kara.
Sa pihak it pagharang, madinaeag-on gihapon nga napatigayon it mga tawuhang Pilipino ro medical evacuation.
Uman nga ginsigurado ni Marcos nga magapabilin nga mapag-on ro Pilipinas sa pagdepensa sa soberanya ag kinamatarong kara sa West Philippine Sea, ag indi magakinahangean it pahanugot halin sa ibang nasyon para maghueag sa kaugalingon nga teritoryo.
