NATIONAL News — Gin-imbitahan it Commission on Election (Comelec) ro sangka beauty contestant sa sangka noontime show nga nag-aku nga owa imaw it nasayuran angot sa Comelec.
Sa pahayag ni Comelec Chairman George Garcia, maga-abot ro contestant makaron, Marso 4, halin sa Pampanga.
Sa nasambit nga noontime show, ginkutana it host ro 20-anyos nga contestant kun ano ro anang mensahe sa Comelec nga ginsabat man kara it, “I’m sorry po hindi ako masyadong knowledgeable sa Comelec.”
Ginhambae man nana nga owa pa imaw nakaboto maskin sang beses.
Ginpahayag ni Garcia nga naintindihan nana ro contestant ag posible sigon nga maabu pa nga pamatan-on ukon mga Filipino nga kapareho.
Dugang pa nga obligasyon nanda nga ipaathag kon sin-o sanda ag ano ro andang gina-obra, “voters education is the key,” suno kay Garcia.
Ro nasambit nga hitabu hay naging isyu makaron sa social media ag umani it waea-tuo nga batikos sa social media.
