Ginpadumdom it Civil Aviation Authority of the Philippines (CAAP) ro publiko nga nagabyahe sa ibang nasyon nga perming dahanan ro andang mga pasaporte.
Ginpahayag ni CAAP Spokesperson Eric Apolonio, nga dapat hay tan-awon nanda it mayad ro proseso sa mga check-in ag immigration process para malikawan ro aberya.
Dugang pa kara nga maskin may mga kaibahan ro pasahero nga dapat hay permi nga buytan ro andang pasaporte.
Ginlaygay man nana nga kon pwede hay boe-an anay it litrato ro pasaporte bago raya ipasaalima sa mga immigration officers.
Ro nasambit nga pahayag hay kasunod sa reklamo it sangka pasahero nga naaywanan sa biyahe bangud sa nakaangkon it gisi ro anang pasaporte.
Nagapati mat-a si Apolinario nga uwa it saea nga nahimo ro mga immigration officers bangud sa kada counters idto hay may CCTV nga nababantayan ro andang mga hueag.
