Ginsiguro it Philippine National Police (PNP) sa publiko ro euwas ag maayos nga pagboto sa maabot nga eleksyon sa Lunes, suno kay PNP Chief PGen. Rommel Francisco Marbil.
Ginpahayg ni Marbil nga uwa it dapat ikabaeaka ro mga botante bangud haum ro kapulisan nga mag-tao it proteksyon kanda ag sa andang mga boto.
Umpisa kahapon, ginpatuman eon ro full-force deployment it PNP, nga may kabilugang 163,621 pulis nga igapakalhit sa bilog nga nasyon para siguruhon ro seguridad bago, samtang, ag pagkatapos it botohan.
Base sa datos it survey, 19% it mga Pilipino ro nagapati sa mahaegang papel it PNP sa pag-angkon it madinaeag-on nga eleksyon makaron nga dag-on.
Ginpromisa man it PNP Chief nga euwas nga maka-abot ag maka-uli ro mga botante, ag paga-siguruhon ro sagradong pagproseso it andang mga balota.
