Nag-umpisa eon ro gobyerno it Australia sa maeapnagong paglimpyo matapos ro natabo nga pagbaha nga pumatay it limang katawo ag ginkasamad it masobra sa napueong libong propyedad.
Suno kay Australian Prime Minister Anthony Albanese , ginpasiguro it andang gobyerno nga ro tanan nga mga apektadong residente hay makabaton it nagakaigong bulig.
Padayon mat-a ro pagpatigayon it damage assessment sa New South Wales nga pinaka naapektuhan it pagbaha.
Sa makaron hay manami eon ro kondisyon sa pilang mga lugar nga naapektuhan it pagbaha partikular sa pinakamatawong lugar.
Ginatos mat-a ka mga residente kara ro nagapabilin sa mga gintaeanang evacuation center.
Pinakaulihing naireport nga namatay sa pagbaha hay sangka 80 anyos nga eaeaki kon sa siin nakit-an ro anang eawas sa propyedad nana nga ginbaha.
Ginpasiguro it andang gobyerno nga magapadayon ro pagtao kara it bulig sa tanan nga mga apektado it kalamidad.
