Ginpahayag ni House Speaker Martin Romualdez nga speculative pa ro posibilidad nga indi madayon ro impeachment trial ni Vice President Sara Duterte matapos ipaiway it Senado ro pagbasa sa articles of impeachment.
Orihinal nga nakataeana ro pagbasa kahapon nga Hunyo 2, 2025, apang ginataeana raya ni Senate President Chiz Escudero sa Hunyo 11, 2025 para unahon ro deliberasyon it mga mahaegang ginproponer nga laye.
Ginklaro ni Romualdez nga ginarespeto nanda ro desisyon it Senado ag sa bahin it Kamara, nakapokus sanda sa pagpasa it mga nabilin nga proposisyon sa nabilin nga daywang dominggo it 19th Congress antes ro sine die adjournment.
Kaibahan sa mga proposisyong ginaeaumang iga-pasa sa 3rd ag final reading ro Anti-Offshore Gaming Operations Act (HB 10987), Philippine Civil Registry Act (HB 11359), Declaration of State of Imminent Disaster Act (HB 11430), AICS Act (HB 11395), ag pagpaeawig it benepisyo it senior citizen (HB 11400).
Ginpamilit ni Romualdez nga tyempo eon para tapuson ro mga nakabinbing trabaho it Kamara.
