Nagpanawagan eon ro Senate Minority Bloc sa insigidang pag-umpisa it impeachment trial ni Vice President Sara Duterte.
Sa anang diskurso, ginbatikos ni Senate Minority Leader Aquilino “Koko” Pimentel III ro ap-at nga bueang pagkadelay halin kat mabaton it Senado ro articles of impeachment ko Pebrero 5, nga suno kana hay nagapaeapnaag it kawad-an it kumpyansa it publiko.
Angot kara, ginpahayag ni Aklan political analyst Atty. Harry Sucgang, nagakadapat gidman ro panawagan it senate minority bloc bangud nga klaro ro mandato it konstitusyon sa Article XI, Section 3 nga dapat mag-umpisa eagi ro pagbista matapos ro pagpasa it impeachment articles.
Apang, posible sigon nga gindelay raya ni senate president Francis “Chiz” Escudero kon sa siin uwa pa ngane it trial hay gusto eagi raya nga paeongon sa senado agud nga madismiss ro ginpasaka nga impeachment. Ginpaathag pa ni Atty. Sucgang nga eabag ro nasambit nga tikang ag posible nga may attachment si Escudero sa mga Duterte rason nga hasta sa makaron hay uwa gihapon naumpisahan ro trial.
Nasayuran nga ginpaboran ag gin-insister man ni Senate Deputy Minority Leader Risa Hontiveros nga ro pag-umpisa it trial hay direktang pagsunod sa Konstitusyon.
Nagpaandam ro mga senador nga ro padayon nga pagkadelay it impeachment trial kontra sa bise presidente hay pwedeng makasamad sa integridad it Senado.
