Nagpahayag it mahugot nga pagkabaeaka ro gobyerno matapos ro airstrikes it Estados Unidos sa mga nuclear facility it Iran ku weekend.
Ginengganyo it Department of Foreign Affairs (DFA) ro tanan nga parte nga bumalik sa diplomatikong pag-istorya para malikawan ro eskalasyon it tensyon sa rehiyon.
Ginpahayag man it DFA nga ginabaeasa nanda ro mga posibleng senaryo ag iga-update ro contingency plans ingakaso magbaeos rayon ro Iran sa mga base-militar it U.S. sa Middle East.
Raya hay mahaega, eabi eon ag may masobra milyong overseas Filipino workers (OFWs) sa rehiyon, kaabuan sa Saudi Arabia, UAE, Qatar, ag Kuwait.
Samtang, ro airstrikes hay nag-angkon it magkakaibang reaksyon sa bilog nga kalibutan.
Suportado raya it Israel ag Canada, samtang nanawagan it de-escalation ro UN, UK, France, Australia, ag New Zealand.
Gintawag man nga “ilegal” it China ag Russia ro nasambit nga pag-atake, samtang ginpaandaman it Iraq, Oman, ag Qatar ro posibleng mas maeaewig gna epekto kara.
