Mas pa nga nag-abu ro mga milyonaryo ag bilyonaryo nga naga-istar sa Pilipinas, suno sa sangka investment migration consultancy firm.
Sa Henley Private Wealth Migration Report 2025, ginpahayag it Henley & Partners nga may una nga 12,800 high-net worth individuals ro sa Pilipinas, kaibahan ro 70 centi-millionaires ukon ro manggad nga ginaboeobanta nga naga-abot sa kapin sa $100 million dollars.
May una man nga 12 nga bilyonaryo sa nasyon.
Ginpahayag it kompanya nga may una nga 32 percent nga pagsaka sa high-net worth individuals sa nasyon kumpara sa nagtaliwan nga dekada.
Suno man kay Henley & Partners managing director for Southeast Asia Scott Moore, ro consistent growth hay nagasaeaming sa pag-umwad it entrepreneurial class, ag financial markets.
Sa Asya, ro Thailand ro nakikitang naga-umwad nga nasyon ag safe haven para sa manggad, kun sa siin masobra sa 450 milyonaryo ro ginaeauman nga magasaylo sa Bangkok makaron nga dag-on.
