Ginpamalibaran it San Juan Regional Trial Court (RTC) Branch 160 ro hinyo ni Senator Jinggoy Estrada nga temporary restraining order (TRO) kontra kay dating DPWH Bulacan first district assistant engineer Brice Hernadez.
Nauna eon sigon nga nagdihon ro Senador it kasong sibil para sa danyos kaibahan ro hinyo nga TRO ag injunction kontra kay Hernandez para mapunggan raya nga maghimo it mga alegasyon kontra sa Senador.
Ro kaso hay may kaangtanan sa pasibangod ni Hernandez kontra sa Senador nga nakabaton sigon it kickbacks halin sa maanomaliyang flood control projects.
Apang, ginpahayag ni RTC Presiding Judge Aicitel Lascano-Nethercott sa resolution nga uwa it awtoridad ro korte nga bawaean ro legislative committee halin sa pagmandato sa sangka indibidwal nga mag-atubang ag tumestigo sa inquiries.
Samtang, ginklaro it kampo it Senador nga mismong TRO eamang ro ginpamalibaran it korte apang nakabinbin ro aplikasyon para sa Writ of Preliminary Injunction ag nakataeana nga pamatian sa Nobiyembre 12.
