Gin-anunsiyo it Israel ro uman nga pagbukas nanda it Rafah border crossing sa adlaw it domingo.
Ro nasambit nga pagbukas hay matapos ro haeos daywang dag-on matapos nga raya hay ginpasarado.
Apang ro nasambit nga crossing sa tunga it Gaza ag Egypt hay pagabuksan eamang para mapasugtan ro limitadong paghueag it mga tawo.
Suno sa Coordinator of Government Activities in the Territories (COGAT) ag ro defence ministry body it Israel nga sanda ro magapanguna agud nga bantayan ro nasambit nga pagbukas.
Pagapasugtan man kara ro pagbabalik it mga residente halin sa Egypt paagto sa Gaza.
Raya hay sambilog sa nagapangunang gina-agyan it mga humanitarian supplies para sa pilang milyong Palestino nga una sa Gaza.
Nakabaehag man sa ceasefire deal nga ginasueong it US nga dapat hay buksan it Israel ro nasambit nga crossing.
Apang nagpakamatig-a gihapon ro Israel ag padayun ro ginahimo nga pag-atake sa Gaza.
