Death toll sa suicide bombing sa mosque sa Pakistan, nagsaka eon sa 32; 160 ninahan

Nagsaka eon sa 32 ro numero it namatay samtang masobra sa 160 ro naninahan sa suicide bombing sa Shiite Muslim mosque sa kabisera it Islamabad, Pakistan.

Gin-ako mat-a it Islamic State ro responsibilidad sa pag-atake ag gin-eakip ro pangaean ag litrato it ginapahayg suicide bomber sa ginpaguwa nandang posts sa sangka online messaging app nga Telegram.

Suno sa IS, ginbaril it suicide bomber ro mga gwardiya nga ginhana nga punggan imaw antes ginpasabog ro anang explosive vest.

Samtang, nagpaandam ro grupo nga masundan pa ro nasambit nga pag-atake.

Raya mat-a ro ginakabig nga deadliest attack sa Pakistan halin ko Enero 2023, kat ginpasabog ro sangka mosque sa northwestern city it Peshawar nga pumatay it masobra sa 100 katawo.