NATIONAL News — Ginpasalig it gobyerno it Israel nga magatau sanda it lifetime support sa naaywan nga pamilya it overseas Filipino worker nga si Mary Ann Velasquez de Vera nga napatay sa Iranian missile attack sa Tel Aviv.
Sa sangka press conference, ginpahayag ni Israeli Ambassador sa Pilipinas nga si Dana Kursh nga haum sanda nga magtau it bulig pinansyal ag suporta sa naaywan nga pamilya ni de Vera.
Ginpaathag ni Kursh nga raya hay base sa andang laye nga ro pamilya it mga nanihahan ukon napatay sa tiempo it giyera, mapa-Israeli man ukon dumueuong hay may kinamatarung sa lifetime nga mga benepisyo halin sa gobyerno it Israel.
Aminado si Kursh nga indi pa masayuran kon hin-uno iga-uli ro bangkay it OFW, apang ginpasalig kara nga may gina-obra eon sanda nga mga tikang para sa insigida kara nga mag-uli.
Si de Vera hay sangka caregiver halin sa Pangasinan nga napatay sa pag-atake it Iranian missile samtang naga-evacuate ag nagabulig sa anang pasyente sa sangka bomb shelter sa Tel Aviv, Israel.
