Nagpaandam ro Department of Agriculture (DA) nga posibleng mag-abot sa masobra sa P500 kada kilo ro presyo it karneng baboy bangud sa krisis sa petrolyo bangud sa tensyon sa Middle East.
Sa report, ginpahayag it DA nga ro presyo it baboy hay posibleng magtaas it 60%, samtang ro presyo it bugas hay posibleng magsaka it 50% kun maga-grabe pa ro tensyon.
Base sa datos, ro presyo it pork liempo sa mga baealigyaan hay nagahampang sa katung-anan it P400 kada kilo samtang ro iba pang pork cuts hay halin sa P320 hasta P340 kada kilo.
Suno kay Rosendo So it Samahang Industriya ng Agrikultura (SINAG), ro pagtaas sa presyo it bugas hay posibleng mas mataas kaysa sa ginaeauman.
Gindugang pa nana nga ro farmgate price sa karneng baboy hay una sa P185-P190 kada kilo ukon may retail price man nga una sa P340 hasta P350.
Ginpahayag man it SINAG nga malabong maabot it nasyon ro worst-case scenario bangud sa ginaeauman nga mapanaba it suspensyon it excise tax ro presyo it produktong petrolyo.
Pabor man ro National Price Coordinating Council sa rekomendasyon it DA nga limitahan ro presyo it bugas sa P50 kada kilo.
