KALIBO, Aklan — Hugut nga ginatutukan it barangay council it Pook, Kalibo ro mandu it Department of the Interior and Local Government (DILG) angot sa pagbawae sa pag-inuman it aeak ag pagsugae sa mga pampublikong lugar, kaibahan ro iba pang mga tikang para makalikaw sa gulo.
Suno kay Punong Barangay Lodi Pinos it nasambit nga lugar nga bangud nga ginadayo it maabu nga mga tawo ro Pook jetty port rason nga sigidas man ro andang pagpatigayon it information dissemination .
Dugang pa nga bangud sa naga eksister nga municipal ordinance angot sa nasambit nga programa hay mabuhay eon nanda raya nga ginpatuman ag makaron hay mas pa nga ginpabaskog ro implementasyon.
Ro iba pang tikang sa nasambit nga mandu hay ro curfew sa mga menor de edad bandang alas-10 it gabi-i, hasta sa alas 10:00 it gabi-i nga videoke sessions, mag-eowas kon may pahanugut it awtoridad kapareho it fiesta, ag ro bawae ro mga naka-topless sa mga pampublikong lugar.
Bangud sa Anti-Public Intoxication Act, ginapadumdum nanda ro mga nagawarang sa jetty port nga bawae ro magplastar it mga bangko ag lamesa ag mag-inuman bangud nga kaeabanan raya nga ginahalinan it away ag sexual harassment sa mga kababayin-an.
