Haum si Senator Kiko Pangilinan nga magsabat sa plano ni Senator Robin Padilla nga mag-file it ethics complaint kontra kana.
Raya hay matapos magreklamo si Padilla sa plenary nga ginsinggitan imaw ni Pangilinan samtang nagadebate sanda may kaangtanan sa tuyo nga pag-aresto kay Senator Bato dela Rosa.
Sa sangka post, ginpahayag ni Pangilinan nga sa kabuhayon nana sa Senado ag sa kaabuon nga pagsilinggitan ag pagtaeaason it limog, makaron eamang nga tiempo nga may maga-file it ethics complaint.
Pahayag pa nana, indi malikawan ro pagtaas it boses samtang nagadebate sa plenaryo.
Gintawag man nana nga owa it pueos ro nasambit nga reklamo.
Engkaso nga matabo, pahayag nana nga maga-file man imaw it reklamo sa Ethics Committee sa pageabag ni Padilla sa parliamentary rules, sa out order ag gina-alegar pagpamaeag kana.
Sa katapusan nga parte it anang statement, ginpahayag ni Pangilinan nga owa imaw naila it away, owa imaw nagapang-away apang indi imaw mag-atras sa sin-o man kun ro gusto hay ro owa it pueos nga kaso kontra kana.
