Hugot nga ginbatikos it Akbayan Partylist si Senate President Alan Peter Cayetano bangud sa gintawag kara nga “unusual disturbance” nga nag-euntad sa sueod it Senado samtang una sa protective custody si Senador Ronald “Bato” dela Rosa.
Suno kay Akbayan President Rafaela David, “highly suspicious” ro nasambit nga insidente ag posible nga “staged” ukon ginplano.
Nagpabutyag it pagkabaeaka ro grupo matapos nga nagguwa ro mga report nga may mga eupok ag gina-alegar nga presensya it mga armado nga grupo sa sueod it Senado nga posibleng indikasyon it sangka organisado nga kinagamo.
Ginpanindugan it Akbayan nga posible ginhungod ro insidente agud mapadali ro pagtakas ni Dela Rosa ukon agud mapilitan ro Korte Suprema nga mag-isyu it temporary restraining order pabor kana nga kon sa siin owa raya ginpasugtan.
Ginpuna man it grupo ro gina-alegar nga pagsueod ni Dela Rosa sa Senado gamit ro saeakyan nga konektado kay Cayetano, ag gin-akusahan ro pamunuan it Senado nga naga-tago it mga kaalyado nga nagapangatubang it mga kaso.
Sa makaron, owa pa it detalyado nga pahayag ro pamunuan it Senado angot sa nasambit nga mga alegasyon.
