Gintaeana bilang undersecretary it Department of the Interior and Local Government (DILG) si dating Iloilo City mayor Jed Patrick Mabilog.
Suno kay DILG Secretary Jonvic Remulla, matapos manumpa si Mabilog kahapon bilang undersecretary para sa public safety hay pagatutukan nana ro mga reporma sa mga lokal nga gobyerno.
Ginpamilit ni Remulla, owa sigon naga-usoy it pagbaeos si Mabilog sa pagbalik sa serbisyo publiko.
Madumduman nga naghalin sa nasyon si Mabilog ko 2017 ag nagpanago sa Estados Unidos matapos nga akusahan ni dating Pangueong Rodrigo Duterte bilang gina-alegar nga protektor it ilegal nga droga.
Nakabalik ro dating alkalde sa Pilipinas ko 2024 matapos magsurender sa National Bureau of Investigation (NBI).
Ko Enero 15, 2025, gintaw-an imaw it executive clemency ni Pangueong Ferdinand Marcos Jr., nga nagbukas it daean para sa anang pagbalik sa pampublikong serbisyo.
Madumduman nga ginpamalibaran ni Mabilog ro mga pasibangud nga imaw sigon ro protektor it namatay nga gina-alegar nga drug lord nga si Melvin Odicta Sr., nga napatay ko 2016.
