Ginbasoe ni Vice President Sara Duterte si Pangueong Ferdinand Marcos Jr. sa gina-alegar nga kinagamo sa Senado ag sa nasyon, kadungan it akusasyon nga gina-abuso it administrasyon ro gahum kontra sa mga kritiko ag oposisyon.
Suno kay Duterte, ro natabu nga tensyon sa Senado ko Miyerkules it gabi-i hay bunga it gina-alegar nga kawad-an it respeto sa institusyon ag grave abuse of power it administrasyon.
Ginpamilit man nana nga ginagamit sigon it administrasyong Marcos ro tanan nga resources it gobyerno kontra sa mga owa nagasuporta sa Pangueo.
Nagsabat man ro Malacañang ag ginpahayag nga owa it basehan ag substansya ro mga pahayag it Bise Presidente.
Suno pa sa Palasyo, kinahangean it nasyon it sangka public servant ag bukon it ro nasayuran eamang hay ro maghimo it intriga ag fake news.
