Ginbisita ni Police Regional Office 6 Director Brig. Gen. Randulf Tuaño ro mga banwa it Balete ag Altavas para inspeksyunon ro seguridad ag kahauman it kapulisan makaron nga adlaw it dominggo, Nobyembre 1 agud masiguro ro malinong ag mahilway nga pagdum-dum it Undas 2026.
Kaparte it inspeksyon ro pag-usisa sa kahandaan it mga police personnel sa pagpatuman it seguridad, pagmintinar it kalinong ag kaayusan, partikular sa mga sementeryo nga ginadagsa it publiko, pati eon ro mga naga-biyahe ag naga-pauli sa andang mga lugar.
Nag-deploy ro PRO6 it kabilugan nga 265 Police Assistance Desks sa bilog nga rehiyon, kaibahan ro mas mabaskog nga police visibility sa mga sementeryo, nagapangunang mga karsadahon, transport terminals ag iba pang pampublikong lugar.
Samtang, ginapanawagan man it mga kapulisan ro padayon nga kooperasyon it publiko ag insigida nga pagreport sa mga kaduda-duda nga aktibidad ukon insidente agud malikawan ro anuman g problema sa seguridad.
Apang, ginasigurado man it kapulisan nga magiging malinong ag euwas ro pagdumdom it publiko sa andang mga pinalangganga sa kinabuhi nga nagtaliwan eon.
