Nakalista ro Department of Health (DOH) it 4,633 bag-ong kaso it human immunodeficiency virus (HIV) sa unang tatlong buean it 2026, base sa HIV and AIDS Surveillance of the Philippines.
Mas mataas raya it 9 porsiyento kumpara sa kaparehong tyempo ku nagtaliwan nga dag-on, ag naga-abot sa average nga 51 bag-ong kaso kada adlaw.
Suno sa datos, 24 porsiyento it mga bag-ong kaso hay una sa advanced stage eon kat ma-diagnose, samtang kaabuan sa mga kaso hay halin sa mga kaeaeakin-an.
Pinaka-maabong nalista sa National Capital Region (NCR), ginsundan it Calabarzon, Central Luzon, Soccsksargen, ag Davao Region, nga nagabilog sa masobra 60 porsiyento it kabilugan nga kaso.
Ginatantyang una sa 288,000 ro kabilugan nga numero it mga tawong nagapangabuhi nga may HIV sa nasyon, apang 55 porsiyento pa eamang ro kumpirmadong na-diagnose.
