Dinosenang katawo ro namatay matapos matabu ro sangka pagsabog sa northern Myanmar, adlaw it Domingo.
Natabu ro insidente bandang 12:00 it udtro adlaw sa Namhkam township.
Suno sa sangka first responder sa Namhkan district sa Shan state, nag-abot sa 46 ro namatay, kaibahan ro mga unga, samtang masobra sa 70 nga iba pa ro naninahan. Sambilog pang rescuer ro naghambae nga kapin sa 59 nga katawo ro kabilugan nga numero it mga nagkaeamatay.
Ginpahayag man it National Liberation Army (TNLA), sangka kilaeang ethnic armed groups sa nasyon nga ro pagsabog hay tuga it “accident detonation” it mga nakatambak nga pampasabog nga ginagamit sa pagmina ag quarrying.
Owa pa it ensaktong numero it mga biktima ro ginpaguwa it grupo samtang nagapadayun ro imbestigasyon sa ensaktong rason it insidente.
Ginpahayag man it TNLA nga ro mga pampasabog hay ginapanag-iyahan it andang economic department, ag padayun nanda nga ginatumod kon paalin ag kon ham-an raya nga sumabog.
Madumduman nga ro Myanmar hay nagapabilin nga sa tunga it civil war umpisa nga agawon it militar ro gahum ko 2021, nga nagtuga it dere-deretso nga bakbakan sa tunga it junta forces ag nagkaeain-eain nga pro-democracy ag ethnic armed groups.
