Sangka meteor ro sumabog sa kahawaan sa ibabaw it naaminhan-nasidlangan nga parte it Estados Unidos, adlaw it Sabado, suno sa NASA.
Raya hay nagtuga it mabaskog nga sonic boom ukon “mabaskog nga eupok” nga nabatian ag nagpakibot sa maabu nga mga residente sa pilang estado.
Base sa report, ro meteor hay madasig nga nag-agi sa atmospera ag sumabog sa kataason nga masobra sa 40 milya ukon mga 64 kilometro halin sa eugta. Ginaboeobanta nga nagpaguwa raya it enerhiya nga katumbas it 300 nga toneladang TNT, rason it mabaskog nga tunog ag pag-uyog nga nabatyagan it pilang mga residente.
Ginpahayag it mga eksperto nga ro nasambit nga meteor hay natural nga bagay halin sa kahawaan ag bukon it kaparte it meteor shower ukon debris halin sa tawo ukon satellite. Owa man it napabalitang nahalitan ukon naninahan sa insidente.
Suno pa sa NASA, ro makarondaya nga klase it “bolide” ukon nagasabog nga meteor hay tumaeagsahon nga makita ag kaeabanan nga nagakawatak-watak eon lang sa atmospera bago pa man maka-abot sa eugta, ag nagakahueog ro mga nabilin nga parte kadagatan.
