Mahugot nga ginabantayan it mga health authorities sa Brazil ro daywang pasyenteng posibleng may Ebola matapos sandang makaeksperyensya it mga sintomas nga angot it sakit sa mga syudad it Sao Paulo ag Rio de Janeiro.
Sangka 37-anyos nga eaeaki halin sa Democratic Republic of the Congo ro ginpaidaeom sa isolation sa Sao Paulo, apang negatibo sa unang pag-usisa para sa Ebola virus.
Samtang, sangka eaeaki halin Uganda sa Rio de Janeiro ro nagpositibo sa malaria, sa pihak nga nagapadayon gihapon ro mga pag-usisa para daeayon nga makakas ro posibilidad it Ebola infection.
Ginpabaskog man it mga awtoridad ro pagbantay kasunod it padayon nga Ebola outbreak sa Democratic Republic of the Congo, kun siin masobra 1,000 gindudahang kaso ag haeos 250 pagkamatay eon ro nalista halin kat ideklara ro outbreak ku Mayo 15.
