PhilHealth, nagtaeana it P100,000 bulig para sa mga may Prostate Cancer

Nagtaeana ro Philippine Health Insurance Corp. it P100,000 nga bulig medikal para sa mga eaeaking may low hasta intermediate-risk prostate cancer sa idaeom it Z Benefit Package.

Pwedeng mag-avail it benepisyo ro mga miyembrong eaeani nga 70-anyos panaba sa mga ginkontratang ospital ag pasilidad it PhilHealth sa bilog nga nasyon.

Sakop it programa ro gaeastuson sa pagpa-ospital, bueong, laboratory tests, operasyon, ag professional fees it mga doktor.

Suno sa Department of Health, ro prostate cancer ro panglimang pinaka-ordinaryong klase it cancer sa Pilipinas ag pangatlong nagapangunang cancer sa mga kaeaeakin-an.

Bangud kara, ginaengganyo ro timpranong pagpa-usisa para mapataas ro tsansa it pag-mayad ag mabawasan ro gaeastuson sa pagbueong.