Ginpatalsik it Kamara de Representantes si Rep. Francisco ‘Kiko’ Barzaga matapos aprubahan it plenaryo ro rekomendasyon it House Ethics Committee sa botong 265-14-8.
Ro pagpatalsik hay kasunod it pilang naunang suspensyon nga ginpataw kontra kay Barzaga matapos imaw nga mapamatud-ang guilty sa disorderly behavior angot it mga kontrobersyal nga social media posts.
Nauna man nga nagdigon it reklamo sa ethics committee si National Bureau of Investigation (NBI) Director Melvin Matibag angot it mali sigon nga pahayag ni Barzaga angot sa insidente it pagpamaril sa Senado ku buean it Mayo.
Sa pihak it naging desisyon it Kamara, nauna eon nga gumuwa ro mga report nga posibleng mapatalsik ro mamalidha matapos irekomenda it House Ethics Committee ro pinakamabug-at nga penalidad kontra kana.
