Indi magnaba sa 11 Palestinian, kaibhan ro mga babaye ag unga, ro namatay samtang dose-dosenang iba pa ro ninahan sa sunod-sunod nga airstrike it Israel sa Gaza City, base sa report it mga medical sources ag saksi.
Gintamaan it mga pag-atake ro indi magnaba sa ap-at nga imprastrakturang residensyal sa Sheikh Radwan, Tel al-Hawa, ag Shati refugee camp, nga nagtuga it mga mabaskog nga pagsabog ag pagbakwit it mga residente.
Kaibahan sa mga namatay ro sangka ginasugid nga Hamas commander nga si Hassan Labad, kaibahan ro anang asawa ag tatlo nandang unga, samtang ginreport man ro pagkamatay it iba pang kababayin-an ag mga inunga.
Uwa pa it pahayag ro Israeli military angot sa nasambit nga operasyon.
Nagapadayon ro mga airstrike sa pihak it naga-iral nga ceasefire nga ginapatung-an it Estados Unidos, samtang ginpamilit it Israel nga uman nga naga-rearm ro Hamas.
Sa kabilugan, padayon ro pagtaas it numero it mga namatay halin kat sumikeab ro gyera ku Oktubre 7, 2023, samtang naga-lala ro humanitarian cirsis sa Gaza.
