Personal nga gindawat ni Pangueong Ferdinand Marcos Jr. ro P100 milyong bulig pinansyal sa General Santos City bilang parte it pagpa-lig’on it mga nasamad nga imprastraktura matapos ro mabaskog nga linog sa Mindanao.
Suno sa Pangueo, ro pondo hay halin sa Local Government Support Fund (LGSF) ag nakataeana para sa pagsaayos it city hall it General Santos.
Nagtao man imaw it anunsiyo nga makabaton it tig-₱50,000 nga ayuda ro mga pamilyang nawad-an it mahae sa kabuhi sa, samtang padayon nga bineberipika it NDRRMC ro numero it mga namatay nga umabot eon sa 45.
Maga-tao man it dugang nga bulig pinansyal sa mga lokal nga gobyerno it Sarangani ag South Cotabato para sa rehabilitasyon it mga imprastraktura, kadungan it direktiba nga padasigon ro relief operations, clearing it mga karsada, ag pag-balik it suplay it kuryente ag tubi.
Gin-mando man ro insigidang pag-usisa sa mga nasamad nga building ag ro pagpadayon it suporta sa mga apektadong residente sa paagi it DSWD AICS ag DOLE TUPAD programs, kaibahan ro mga nawad-an it trabaho bangud sa pagsarado it pilang establisyimento.
Ginpunto it gobyerno ro padayon nga koordinasyon it mga ahensya para mapadasig ro recovery efforts sa mga apektadong lugar sa Mindanao.
