Ginpahayag ni Department of Public Works and Highways (DPWH) Secretary Vince Dizon nga masobra 30 indibidwal eon ro nakasuhan ag nakulong angot it mga imbestigasyon sa maeapnagon sigon nga korapsyon sa flood control ag iba pang public infrastructure projects sa nasyon.
Suno kay Dizon, kaibahan sa mga naimbolbar ro mga mamalidha, opisyal it DPWH, district engineers, contractors, ag pilang mga matag-as nga dating opisyal it ahensya.
Maid-id sigon nga ginapatigayon it gobyerno ro case build-up para masiguro nga mapag-on ro mga kasong igadihon ag indi eagi mabasura.
Ginhambae man it opisyal nga nagapadayon ro pag-usisa sa mga proyektong ginadudahang may anomaliya ag ginaeaumang madugangan pa ro mga makasuhan ag mapasabat samtang ginasumite ro mga kaso sa Office of the Ombudsman.
