Gin-anunsyo ni Sen. Panfilo Lacson nga boluntaryo ag intensiyonal nana nga pagabuhian ro pagiging chairperson it Senate Blue Ribbon Committee.
Sa anang pahayag, ginhambae ni Lacson nga daywa ro nagapangunang rason it anang pagbuhi sa pwesto: ro gaoy eon sigon sa pauman-uman nga pagkaduea it mga amigo ag pag-angkon it mga bag-ong kritiko bangud sa anang obligasyon, ag ro pagpati nga may iba pang kaibahan sa Senado nga mas nagakaigo nga magbuyot sa posisyon.
Apang, ginklaro it senador nga gihapon imaw nga padayunon ro pagdumaea kun uwa it ibang magabaton sa nasambit nga obligasyon.
Ro Senate Blue Ribbon Committee hay presenteng nagapanguna sa imbestigasyon “in aid of legislation” angot sa anomalya sigon sa mga flood control projects, kun siin eumutaw ro mga alegasyon it kickback scheme ag budget insertions nga ginakaimbolbaran sigon it pilang opisyal it gobyerno, kaibahan ro Department of Public Works and Highways (DPWH), pilang pulitiko, ag mga kontraktor.
