Pwede gihapon nga makipagbahin si Senador Rodante Marcoleta sa impeachment trial ni Vice President Sara Duterte sa Lunes, Hulyo 6, suno kay Senate President Sherwin Gatchalian.
Ginpaathag ni Gatchalian nga sa makaron, nagapabilin nga senador si Marcoleta bangud uwa pa it pinal nga desisyon ro Sandiganbayan kun mag-isyu it arrest warrant kontra kay Marcoleta para sa kasong plunder nga gindihon it Ombudsman.
Kat kutan-on mat-aw ro Senate President angot sa posibleng pagpaguwa it arrest warrant kay Marcoleta, ginhambae nana nga indi nanda pwedeng i-preempt ukon pangunahan ro magiging desisyon it Sandiganbayan bilang sangka korte.
Ginpahayag man ni Gatchalian nga may una pang kahigayunan si Marcoleta nga mag-tao it anang depensa ag magpaathag sa korte antes maghimo it desisyon bilang parte it judicial process.
Madumduman nga ku Biyernes, Hulyo 3, pormal eon nga nag-dihon it plunder charges ro Ombudsman kontra kay Marcoleta ag tatlong iba pa angot sa P75 million nga uwa sigon gindeklara nga campaign donations sa anang 2025 senatorial campaign.
