Nag-impaki eon pauli ro Portugal nga ginapangunahan ni Christiano Ronaldo matapos nga natagak eon sanda sa FIFA World Cup 2026.
Raya hay matapos nga piyerdihon it former World Cup champions ag reigning European champions nga Espanya sa Round of 16 it tournament.
Matapos ro maeawig nga scoreless match, nakahingagaw it goal ro Espanya sa 91st minute pinaagi kay Mikel Merino nga imaw ro nagpugong nga makaabante ro hampang sa extra time.
Raya ro unang kahigayunan nga nakasueod ro Spain sa quarterfinal round umpisa nga nadag-an nanda ro kampyonato ko 2010.
Pagahueaton it Spain ro winner sa tunga it Round of 32 match it Belgium ag US nga imaw ro andang paga-atubangon sa quarterfinals sa SoFi Stadium sa Inglewood, California.
Nauna eon nga ginpahayag it 41-anyos nga legendary striker nga si Ronaldo nga raya eon ro anang katapusan nga World Cup.
