Ginhinyu ni Senador Erwin Tulfo sa gobyerno nga buligan si tennis star Alex Eala sa pagbayad it posibleng $10,000 ukon kapin sa ₱620,000 nga multa halin sa Women’s Tennis Association ukon WTA matapos kara nga pili-on nga i-represent ro Pilipinas sa Asian Games kaysa nga magpasakop sa China Open.
Sa privilege speech ni Tulfo, ginpahayag nana nga mabahoe nga kantidad ro multa para kay Eala, nga nagdesisyon nga maghampang para sa nasyon sa baylo nga unahon ro anang professional career. Ginhinyu man it Philippine Tennis Association sa WTA nga taw-an it exemption si Eala agud nga makapasakop sa Asian Games.
Samtang, ginpahayag it Philta nga nakataeanang magpasakop si Eala sa Asian Games anuman ro magiging desisyon it WTA. Ginsuportahan man it Philippine Olympic Committee ro anang desisyon nga mag-representar sa Pilipinas.
Sa 2022 Asian Games, naka-uli si Eala it daywang bronze medal sa singles ag mixed doubles.
