-- ADVERTISEMENT --
Nagsaka eon sa 20 ro numero it mga namatay sa Bagyong Inday ag ginpabaskog it Habagat sa Mindanao ag Visayas.
Suno sa mga awtoridad, nagapadayun ro search operations para sa 13 nga indibidwal nga naduea kasunod it mabahoe nga landslide ag maeapnagon nga pagbaha.
Sambilog sa pinaka-ulihing nadugang sa listahan it mga biktima hay naghalin sa Barangay Tanuman sa Jose Abad Santos, Davao Occidental, matapos nga maka-eksperyensiya it mabaskog nga pag-uean ag pagbaha ro munisipalidad ko Hulyo 10.
Hasta ko Domingo nga adlaw it hapon, Hulyo 12, hay may una eon nga 13 indibidwal ro naduea sa Mindanao. Waeo hay halin sa Jose Abad Santos, sambilog sa Malapatan, Sarangani, ag ap-at sa Calanogas, Lanao del Sur.
