Nagsaka sa bag-o nga career-high nga World No. 28 sa Women’s Tennis Association (WTA) rankings ro Filipina tennis sensation nga si Alex Eala.
Raya hay kasunod it anang makasaysayan nga kampanya sa 2026 Wimbledon Championships nga nagtapos ko nagtaliwan nga domingo.
Nagsaka si Eala it ap-at nga puwesto matapos maka-abot sa fourth round it Wimbledon ag nangin kauna-unahan nga Pilipino nga nakatapak sa Round of 16 sa sangka Grand Slam singles tournament.
Sa nasambit nga prestihiyoso nga hinampang, ginpiyerde ni Eala ro defending champion nga si Iga Swiatek pagkatapos ginpierde ro iba pa nga sanday Renata Zarazua ag Maya Joint.
Ro nauna nga career-high ranking it nasambit nga Pinay star hay ro No. 29 nga na-rekord ko Marso.
Nag-angkon man imaw it titulo sa Birmingham WTA 125 ag naka-abot sa semifinals it Berlin Open.
Sa makaron, nagapahuway anay si Eala sa Pilipinas antes nga ipadayon ro anang preparasyon para sa US Open eakip eon ro mga torneo kapareho it Mubadala DC Open sa Estados Unidos ag WTA 1000 National Bank Open sa Canada.
